شرح قيم الهوتسبوت

Sky Networks Channel:
#تعالى_نفهم
 #أساسيات
• Parameter / محدد
هيتفهم بالأمثلة:
• الـ name اسم الـ Parameter الخاص بتعيين الاسم
• الـ profile اسم الـ Parameter الخاص بتحديد البروفايل

• لما تيجي تحدد باقة لليوزر بتكتب في أنهي Parameter هل بتكتب مثلا في Parameter اللي اسمه email
، لا انا بكتب الباقة في Parameter اللي اسمه limit-bytes-total

• لما تحب تعين لليوزر كلمة سر بتكتبها في Parameter اللي اسمه password وتكتب كلمة السر

وقِسْ ذلك على أي حاجة وفي أي قائمة، وفي أي لغة برمجة وفي أي حاجة في الدنيا
ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ 

• Hosts / ضيوف
أي جهاز موجود في قائمة Hosts اسمه Host أي كان هو ايه، فأسمه Host
وبيبقى له طبعا Parameters زي 
{ mac-address, address, to-address, comment, authorized, ..., Etc. }
*معنى Etc. : إلخ
ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ

• Authorized / مُخَوَّل أو مُفَوَّض
الـ authorized ده أحد Parameters الخاصة بالـ Host
مُخَوَّل أو مُفَوَّض يعني مسجل دخول
بمعني إن ال Host ده موجود في قائمة Active
‎

#تعالى_نفهم
الأوقات في Hotspot
ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ
قبل ما تقرأ، مبدئيًا لازم تعرف شوية #أساسيات علشان المصطلحات
اقرأ المنشور ده: الأساسيات
ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ
مبدئيًا الأوقات اللي في قائمة Servers منوطة فقط بالـ Hosts اللي مش Authorized.
ولو الـ Host سجل دخول وأصبح Authorized بياخد محدداته من الـ Profile الخاص بيه

• بمعنى آخر عند ما الجهاز سجل دخول لا تسري عليه parameters الخاصة بقائمة Servers.


💡 خد بالك لو الـ Host سجل دخول وأصبح Authorized ولكن في Profile الخاص بيه مش متحدد الـ parameters (سايبها فاضية)، يبقي هياخد القيم من قائمة Servers
ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ

نرجع لشرح Timings Parameters (محددات التوقيتات)

1- idle-timeout
الـ idle-timeout هو الفترة اللي لو بلغها الHosts مع عدم نشاطه يُحذف من قائمة Host ويصبح الIP اللي كان واخده متاح لأي جهاز آخر
، لما يكون الجهاز لا بيبعت ولا بيستقبل ولا باين إنه شغال، (كأن الجهاز فصل شحن أو قفل wifi)
ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ
2- Keepalive-timeout

الفكره في Keepalive-timeout إنه بيتحقق من إن الجهاز المتصل (Host) لا يزال نشطًا ويمكن الوصول إليه
، مثلا الـ Host متصل ولكن غير مستقر، فنقدر نقول إن Keepalive-timeout بيتحقق من الاستجابة حتى مع وجود نشاط ولكن النشاط طبعا غير مستقر، (كأن الجهاز متصل بالـ Wi-Fi ولكن إشارته ضعيفه والاستجابة مش مستقره)
فلو الـ Host فضل علي الوضعية حتي بلغ مدة الـ Keepalive-timeout هيتفصل

💡 لو Keepalive-timeout قيمته لم تحدد، فهيتم الاحتكام فقط إلى idle-timeout‎ ، والعكس صحيح.
ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ

💡 توريث قيم Parameters في Profile:
مبدئيًا أي Parameter لم يحدد له قيمه في Profile هيرث قيمته من نظيره اللي في قائمة Server

لو حابب أمنع التوريث لازم أعطي قيمة للـ Parameters في Profile
• بالنسبة Keepalive-timeout لو جعلت قيمتها 00:00:00 (إلغاء تفعيلها)، كده منعت التوريث، أو طبعا لو وضعت قيمة معينة.

• بالنسبة idle-timeout‎ لو جعلت القيمة none اللي هي بتساوي 00:00:00 (إلغاء تفعيلها)، أو طبعا لو وضعت قيمة معينة.

💡 أما بقي لو حابب القيم تتورث لازم تقفل التحديد بالضغط على زار 🔼
ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ
3- idle-time
الوقت اللي كان فيه الـ Host خاملاً، وهي دي القيمة اللي بيعتمد عليها
كلا من idle-timeout و Keepalive-timeout في العَدِّ
ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ
4- uptime
مدة إتصال الـ Host (متصل منذ ...)، وطبعا قيمة Uptime الخاصة بالـ Host في قائمة Hosts غير Active
لان الـ Host الواحد يقدر يسجل خروج ويسجل دخول باسم آخر، فقيمة Uptime الخاصة بقائمة Active ستبدأ من الصفر، عكس قائمة Host سيستمر ما دام لم يخرج بأحد الأسباب السابق ذكرها

 💡أما الـ Host اللي سجل دخول عن طريق mac، فلو سجل خروج، قيمة Uptime هيترجع للصفر في كلا القائمتين
ــ ــ ــ ــ ــ ــ ــ ــ ــ ــ ــ ــ ــ ــ
وبكده شرحنا محددات التوقيتات اللي مشتركة في Hosts و Active

⏬ كل Parameters التالي ذكرها مرتبطة فقط بقائمة Active
ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ
5- session-time-left
القيمة دي مش هتظهر إلا لو في تحديد في session-timeout في Profile الخاص بالـ User، أو لو في تحديد في limit-uptime في User
لكن الأولوية للـ limit-uptime

طب ايه معني session-timeout
لو انا عاوز User يقعد في الـ Active مدة 10 دقائق منذ تسجيل دخوله، هتروح علي الـ Profile وتيجي علي خانة session-timeout وتحدد 10 دقائق (00:10:00)، فبكده هيخرج بشكل إجباري بعد بلوغ مدة session-timeout، ولكن طبعا لازم ميكنش في قيمة محدده لـ limit-uptime

💡 لكن طبعا يقدر يسجل دخول من تاني ويعد تاني ويخرجه بعد 10 دقائق، وهكذا .
فالـ session-time-left معناها الوقت المتبقي لإخراج الـ User بشكل تلقائي.
ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ
6- status-autorefresh (Profile)
القيمة دي خاصة بصفحة status، فكرتها تقدر تخلي الصفحة تعمل Refresh كل مدة
اسم المتغير في في صفحة html 
$(refresh-timeout-secs)

💡 دي حاجة في Profile ملهاش دعوة بشكل مباشر بالأكتيف، ولكن من جملة الكلام عن Parameters التوقيتات 
‎